Poems Of The Month

Saaqi aa ek nazar jaam se pehlay pehlay
Hum ko jana hai kahin shaam se pehlay pehlay
Khush ho ay dil, k mohabbat to nibha di tu ne,
Log ujar jatay hain anjaam se pehlay pehlay.
Ab teray zikar pe hum baat badal detay hain,
Kitni rughbat thi teray naam se pehlay pehlay.
Saamnay umar pari hai shab-e-tanhaai ki,
Wo mjhay chor gya sham se pehlay pehlay.
Kitna acha tha k hum bhi jiya kartay thay FARAZ,
Ghair-maaroof se, gumnaam se pehlay pehlay.
.......

Sab Khuloos Baaton Main Sab Karam Kehyalon Main
Bas Zara Wafa Kam Hai Teray Shehar Waloon Main
Pehli Baar Nazron Nay Chaand Boltay Dekha
Hum Jawab Kiya Detay Kho Gayeh Sawaloon Main
Raat Teri Yaadon Nay Dil Ko Is Tarhan Chera
Jesay Koi Chutki Lay Narm Narm Galoon Main
Yun Kise Ki Aankhon Main Subha Tak Thay Hum
Jis Tarhan Rayeh Shabnam Phool K Peyaloon Main
Meri Aankh K Taaray Ab Na Dekh Pao Gay
Hum Raat K Musafir Thay Kho Gayeh Ujaloon Main.
.......

Sar jhukaao ge to patthar devataa ho jaaye gaa,
Itnaa mat chaaho usay wo be-wafa ho jaye gaa,
Ham bhi dariyaa hain hamein apna hunar maaloom hai,
Jis taraf bhi chal paren ge rasta ho jaye gaa,
Kitni sachai se muj se zindagi ne keh diya,
Tuu nahi mera to koi dosra ho jaye ga,
Main khuda ka naam le kar pi raha doston,
Zehar bhi is main agar hoga to davaa ho jaye gaa,
Rooth jaanaa to mohabbat ki alaamat hai magar,
Kya khabar thi muj se wo itna khafa ho jaye gaa..
.........

Shram.O.Haya ka ye andaz bi kamal he mere sanam ka....
Usko tasveer mein bi daikhon to palkeyn jhuka leta he..
........

Shesha-E-Ishq Se Tarash Mujhay...
Aur Phir Kar Dey Pash Pash Mujhay...
Ja Raha Hon Mein Roshni Ki Taraf...
Apne Saye Ki Hai Talash Mujhay...
Ab Ke Zakhmi Nahi Hua Liken...
Dil Pe Aai Hai Ik Kharash Mujhay...
Kho Diya Khud Ko Justaju Mein Teri...
Tu Ne Karna Hai Ab Talash Mujhay.
......

Sham k saanwly chehray ko nikhaara jaye,
Kyun na sagar se koi chaand ubhaara jaye..
Raas aya nahi taskeen ka sahil koi,
Phir mujhe Pyaas k darya mein utaara jaye..
Mehrban teri nazar, Teri adaayen Qatil,
Tujhe kis naam se ay dost Pukaara jaye..
Mujh ko dar hai tere waady Pe bharosa kr k,
Kahein asa ho Ye Dil_e_khush Fehm na maara jaye..
Jis k dam semere din raat darakhshan thy QATEEL,
Kesy ab us k bina Waqt Guzara jaye..?
.......

Sir Jhukany Ki Aadat Nhi Hai
Aanso Bahany Ki Aadat Nhi Hai
Hum Kho Gaay To Pachtao Gay Bohat
Hamari Laot Kar Aany Ki Aadat Nhi Hai
Tery Dar Par Muhabat K Sawali Ban Jaty
Lekin Haath Phailany Ki Aadat Nhi Hai
Teri Yadain Aziz Hein Bohat
Mgar Ab Waqt Ganwany Ki Aadat Nhi Hai
Tum Sakht Dil NiklyKya Gila Karen Hum
Shikwa.e.Dil Lab Pr Lany Ki Aadat Nai Hai
Bad Dua Bhi Kiya Karein Huq Mein Tumhary "JääN"
Hamein To Dil Bhi Dukhany Ki Aadat nhi Hai.
.......

Su-e-maikada na jatay to kuch or baat hoti
Woh nigaah se pilaatay to kuch or baat hoti
Jo hawa-e-gulistan ne meray dil ki £aaj rakh li
Woh naqaab khud uthatay to kuch or baat hoti
Yeh baja kali ne khul kr kiya gulistan moater
Magar aap muskuratay to kuch or baat hoti
Jo haraam k raste se woh pohanch gaye
khuda tak Teri raah guzar se jatay to kuch or baat hoti
Yeh khulay khulay se gaisuu inhe laakh tu sanwaray
Meray haath se sanwartay to kuch or baat hoti...