Misl_e_Khayal Aaye They aa Kar Chaley Gaye..!!

misl-e-Khayaal aaye the aa kar chale gaye


misl-e-Khayaal aaye the aa kar chale gaye
duniyaa hamaarii Gam kii basaa kar chale gaye


phuulo.n kii aas dil se lagaaye hue the ham
kaa.NTe vo raaste me.n bichhaa kar chale gaye


aayii na thii hamaare chaman me.n bahaar abhii
vo Khvaab aashiyaa.N me.n lagaa kar chale gaye


bhuule se bhii kabhii na dil ham bhulaa sake
dil se hame.n vo apane bhulaa kar chale gaye ...

KArvaan Guzaraa Kia ham Rehguza Dekhaa kiye..!!

jii Dhuu.NDhataa hai ghar koii dono.n jahaa.N se duur


jii Dhuu.NDhataa hai ghar koii dono.n jahaa.N se duur
is aapakii zamii.n se alag, aasmaa.N se duur


shaayad mai.n daraKhur-e-nigah-e-garm bhii nahii.n
bijalii ta.Dap rahii hai mere aashiyaa.N se duur


aa.Nkhe.n churaake aapane afasaanaa kar diyaa
jo haal thaa zabaa.N se qariib aur bayaa.N se duur


taa arz-e-shauq me.n na rahe bandagii kii laag
ik sajdaa chaahataa huu.N terii aastaa.n se duur


hai manaa raah-e-ishq me.n dair-o-haram kaa hosh
yaani kahaa.N se paas hai manzil, kahaa.N se duur ...

................


karavaa.N guzaraa kiyaa ham rahaguzar dekhaa kiye ..!!



karavaa.N guzaraa kiyaa ham rahaguzar dekhaa kiye
har qadam par naqsh-e-paa raahabar dekhaa kiye


[rahaguzar=path; naqsh-e-paa=footprints; raahabar=guide]


yaas jab chhaaii ummiide.n haath mal kar rah gaii.n
dil kii nabaze.n chhuT gayii.n aur chaaraagar dekhaa kiye


[yaas=despair; nabaz=pulse; chaara-gar=healer]


ruKh merii jaanib nigaah-e-lutf dushman kii taraf
yuu.N udhar dekhaa kiye goyaa idhar dekhaa kiye


dard ma.ndaan-e-vafaa kii haaye re majabuuriyaa.N
dard-e-dil dekhaa na jaataa thaa magar dekhaa kiye


[ma.nd=in need]


tuu kahaa.N thii ai ajal ai naamuraado.n kii muraad
maranevaale raah terii umar bhar dekha kiye


[ajal=death; muraad=desire]

Ishq ne Dil Mein Jagaa kii To Qazaa Bhii aii..!!

ishq ne dil me.n jagaa kii to qazaa bhii aa_ii..!!

ishq ne dil me.n jagaa kii to qazaa bhii aa_ii
dard duniyaa me.n jab aayaa to davaa bhii aa_ii


dil kii hastii se kiyaa ishq ne aagaah mujhe
dil jab aayaa to dha.Dakane kii sadaa bhii aa_ii


sadqe utarae.nge, asiiraan-e-qafas chhuuTe hai.n
bijaliyaa.N leke nasheman pe ghaTaa bhii aa_ii


haa.N! na thaa baab-e-asr band, magar kyaa kahiye
aah pahu.Nchii thii ki dushman kii duaa bhii aa_ii


aap sochaa hii kiye, us se miluu.N yaa na miluu.N
maut mushtaaq ko miTTii me.n milaa bhii aa_ii


lo! masihaa ne bhii, allaah ne bhii yaad kiyaa
aaj biimaar ko hichakii bhii, qazaa bhii aa_ii


dekh ye jaadaa-e-hastii hai, sambhal kar "Fani"
piichhe piichhe vo dabe paao.N qazaa bhii aa_ii