ghazals5

Mausam hai barish ka
Mausam hai barish ka or yaad tumari aati hai,
barish k har ik qatre se yad tumari aati hai,
badal jab gharjta hai dil ki dharkhan bhar jati hai,
or dil ki har ik darkhan se awaz tumhari aati hai,
jab taiz hawain chalti hain to jaan hamari jati hai,
mausam hai barish ka or yaad tumari yad ati hai..
.
............

Tujhe pyar mera


Tujhe pyar mera sataye ga aksar,
yaadon ka tohfa uthye ga aksar,
zikar mera karne se pehle,
tu kuch soch k muskraye ga aksar,
mera naam likh kar kitabon main apni,
tu logon k dar se mitaye ga aksar,
baatien meri yaad aaengi itni,
jitna tu unhain bhulaye ga aksar.....
.............

mohabbat ki nai buniyad
Chalo mohabbat ki nai buniyad rakhte hain,

khud paband rehte hain,tumhain azad rakhte hain,

hamare khoon main rab ne taseer he aisi rakhi hai,

buraiyan bhool jatey hain achaiyan yaad rakhte hain,

yeh soch kar k gustakhi na ho jae mohabbat main,

issi liye apna har qadam tere qadam k baad rakhte hain...
...........

Iik shakhs
Iik shakhs pas reh kar b samja nahi muje,
is bat ka milal hai shikwa nahi muje,
main usko bewafai ka ilzam kaise doun,
us ne to ibteda se he chaha nahi muje,
pathar samaj k paon se thokar laga di,
afsos uski ankh ne parka nahi muje,
kya kya umeedan band k aye tha samne,
usne to ankh bhar k b dekha nahi muje,
kab thehrna tha har waqat muje uske pas,
acha howa k usne b roka nahi muje....

............

Nashili aankhon se
Nashili aankhon se jab wo humain daikhte hain,
hum ghabra kar aankhain jhuka laitey hain.
kaun milaye un ankhon se ankhain,
suna hai wo ankhon se apna bana letay hain....
............

Muje Acha Lagta Hai
Muje Acha Lagta Hai,

tumhare sung sung chalna
wafa ki aag main jalna
tumhe naraz kar dena
kabhi khud rooth b jana
tumhari berukhi par b
tumari aarzu karna
khud apne dil ki dharkan se
tumhari guftugu karna

Muje acha lagta hai
bohat acha lagta hai
tumhi ko daikhte rehna
tumhi ko sochte rehna
bohat gehre khayalon main
jawabon main
sawalon main
dosti k hawalon main
tumhara naam aa jana.
..
..............

Be-aitabr shakhs
Be-aitabr shakhs tha so war kar gya,
lakin mere shaoor ko bedaar kar gya,
kuch mene ishteaal main shikwe gile kiye,
kuch wo shikayten sar-e-bazar kar gya,
pehle wo meri zaat ki tameer main raha,
phir mujko apne hath se mismaar kar gya,
wo aa mila to fasle kat-te chale gaye,
bichra to raste mere dushwar kar gya....

.............

Jaane kiun shikast ka
Jaane kiun shikast ka azab liye phirta hon,
main kia hun or kia khawab liye phirta hun,
usne kia tha ik bar sawal-e-mohabbat,
main har lamha wafa ka jawab liye phirta hun,
usne pocha kab se nahi soye,
main tab se raat jage ka hisab liye phirta hun,
uski khawaish thi k meri aankhon main pani daikhe,
main us waqat se ansuon ka selaab liye phirta hun,
afsos k wo phir b mera na howa,
main jis ki arzu ki kitab liye phirta tha...

............