Wafa Hai Zaat Larki Ki

Wafa Hai Zaat Larki Ki..!!


Wo aksar mujh se kehti thi,
wafa hai zaat larki ki,

magar jo larkay hotey hain,

bohat be-dard hotey hain,

kisi bhanwray ki surat gul ki,
khushbhu loot jatey hain,

Suno!

tumko qasam meri,
riwayat tor dena tum,
na tanha chor dena tum,

na yeh ''DIL'' tor k jana!

magar phir yun howa humdam,

muje anjaan raastey pe,

akela chor kar usne,
mera dil tor kar usne,

Mohabbat chor di usne,

Wafa Hai Zaat
Larki Ki
Riwayat Torr Di Usne...