Ko Choudveen raat chaand ban kar tumahre tasavar mein aaya!!

ko_ii chaudhvii.n raat kaa chaa.Nd ban kar tumhaare tasavvur me.n aayaa to hogaa


ko_ii chaudhvii.n raat kaa chaa.Nd ban kar tumhaare tasavvur me.n aayaa to hogaa
kisii se to kii hogii tum ne muhabbat kisii ko gale se lagaayaa to hogaa

tumhaare Khayaalo.n kii anganaa_iyo.n me.n merii yaad ke phuul mahake to ho.nge
kabhii apanii aa.Nkho.n ke kaajal se tum ne meraa naam likh kar miTaayaa to hogaa

labo.n se muhabbat kaa jaaduu jagaakar bharii bazm me.n sab se nazare.n bachaa kar
nigaaho.n kii raaho.n se dil me.n samaa kar kisii ne tumhe.n bhii churayaa to hogaa

kabhii aa_iine se nigaahe.n milaakar jo lii hogii bharapuur anga.Daa_ii tuune
to ghabaraake Khud terii anga.Daa_iiyo.n ne tere husn ko gud_gudaayaa to hogaa

nigaaho.n me.n shama-e-tamannaa jalaa kar takii ho.ngii tum ne bhii raahe.n kisii kii
kisii ne to vaadaa kiyaa hogaa tum se kisii ne tumhe.n bhii rulaayaa to hogaa..

By Akhtar Azad

............

saaf zaahir hai nigaaho.n se ki ham marate hai.n


saaf zaahir hai nigaaho.n se ki ham marate hai.n
muu.Nh se kahate huye ye baat magar Darate hai.n

ek tasvir-e-muhabbat hai javaanii goyaa
jis me.n rango.n kii ivaz Khunn-e-jigar bharate hai.n

[ivaz=instead of]

isharat-e-raftaa ne jaa kar na kiyaa yaad hame.n
isharat-e-raftaa ko ham yaad kiyaa karate hai.n

[isharat-e-raftaa=happiness of the days gone by]

aasmaa.N se kabhii dekhii na ga_ii apanii Khushii
ab ye haalaat hai.n ki ham ha.Nsate hue Darate hai.n

sher kahate ho bahut Khuub tum "Akhtar" lekin
achchhe shaayar ye sunaa hai ki javaa.N marate hai.n ..

By Akhtar Ansari