Kaash khuwaabon mai

Kaash khuwaabon mai hi aajao boht tanha hon
Ya mere zehen se yaadon k diye gul kerdo,
Mere ehsas ki dunya ko mita do hum-dam,
Raat taarey nahi angaarey le aati he,
In baraste howe shoulon ko bujha do hum-dam,
Dil ki dharkan ko sula jao boht tanha hon
Andheri raat mai jab chaand khilne lagta he,
Tumhare piyar k deepak jala k rota hon,
Tumhare aane ki jab aas jaane lagti he,
Main in chiraaghon ko khud hi bujha k rota hon,
Zindagi aesi mita jao boht tanha hon
Soochtey soochtey jab sooch bhi mar jati he,
Waqt k qadmon ki aahat ko suna kerta hon,
Ashk thamtey hain to yaadon ka dhuwaan uth'ta he,
Raat bher youn hi tadapta hon jala kerta hon,
Baar-e-gham kuch to ghata jao boht tanha hon...