Apni dehleez pe

Teri muskhil na barhaon ga,
chala jaon ga,
ashk ankhon main chupaon ga,
chala jaon ga..

mudaton bad main aya hun purane gher main,
khud ko jee bhar k rulaon ga,
chala jaon ga..

un mehllat se kuch b nahi lena mujh ko,
bus shakal tujh ko dikhao ga,
chala jaon ga..

chandd yadein mujhe bachon ki tarah pyari hain,
unko seenay se lagaon ga,
chala jaon ga..

Apni dehleez pe kuch dair para rehne do,
jaise he hosh main aon ga,
chala jaon ga...

>>>>>>>>>>>>>>>>>>

Dhal gaya aftaab ae saaqi,
la pila dey sharab ae saaqi.

ya suraahi laga mere moonh se,
ya ulat de naqaab ae saaqi..

maikda chor kar kahan jaon?
hai zamana bhara kharab ae saaqi..

jaam bhar dey gunagharon k,
yeh bhi hai ik ssawaab ae saaqi..

aaj peenay dey or peenay dey,
kal karenge hisaab ae saaqi.....

>>>>>>>>>>>>>>>

Shaffa nahi mili mujhe daqa daron se,
or maayos laut aya hun mazaaron se,

uske ghum se dil ko mere nijaat miley,
dua mangne ko b kaha hai hazaaron se..

jahan jahan unse meri mulaqaat hui,
khauf aney laga un nazaaron se...

chaand ki chandni muje raas kyun na ai?
pochta rehta hun main ab sitaron se...

is pyar ne kahin ka na chhora hay muhe ''Faraz''
sar jhuka kar guzarte hain ab bazaaron se.....