Koi Apna nahi hota

Koi Apna nahi hota..

bare masoom jazbon se,
woh,
apne shokh haathon par,
wafa ki surakh mehndi se,
usi ka naam likhti hai,
jisey wo pyar karti hai,
magar wo na-samaj larki,
abi tak yeh nahi samji,
keh..
sapne toot jaen to bohat barbaad karte hain,
yeh ujlay rang haathon par,
kabi thehra nahi karte,
mohabbat to haqeeqat hai,
koi sapna nahi hota,
kisi ka naam likhne se,
koi apna nahi hota,
koi apna nahi hota..