!….:::~~Mohabbat ko Koi Zawaal Nahi~~:::….!
Main saahil pey likhe hoe ibaarat nahi
Jo lehron se mit jaati hai
Main baarish ki barasti boond nahi
Jo baras ker tham jaati hai
Main khwab nahi
Jisey dekha aur bhula diya
Main shama nahi
Jisey phoonka aur bujha diya
Main hawa ka jhonka nahi
Jo aaya aur guzar gaya
Main chand bhi nahi
Jo raat ke baad dhal jaye
Main to woh ehsaas hoon
Jo tujh main lahoo ban ker gardish karay
Main to woh rang hoon
Jo teray dil pay charay to kabhi na mittay
Main woh geet hoon
Jo teray labon se juda na hoga
Main to woh parwaana hoon
Jo jalta rahayga magar fana na hoga
Khwab, ibaarat, hawa ki tarah
Chand, boond, shama ki tarah
Meray mitnay ka sawaal nahi
Kyun kay Main Tou Mohabbat Hoon
Aur Mohabbat ko Koi Zawaal Nahi.............
W@$IM
Subscribe to:
Post Comments (Atom)
No comments:
Post a Comment