Na tum Mere Na dil Mera Na jaan-e-Naatvaan Meri ..!!

kam nahii.n merii zindagii ke liye


kam nahii.n merii zindagii ke liye
chain mil jaaye do gha.Dii ke liye

ai dil-e-zaar kaun hai teraa
kyo.n ta.Dapataa hai yuu.N kisii ke liye

kitane saamaan kar liye paidaa
itanii chhoTii sii zindagii ke liye

aisaa 'Faiyyaz' Gam ne gheraa hai
lab taras hii gaye ha.Nsii ke liye

...........

na tum mere na dil meraa na jaan-e-naatavaa.N merii


na tum mere na dil meraa na jaan-e-naatavaa.N merii
tasavvur me.n bhii aa sakatii nahii.n majabuuriyaa.N merii

na tum aaye na chain aayaa na maut aaii shab-e-vaadaa
dil-e-muztar thaa mai.n thaa aur thii betaabiyaa.N merii

[dil-e-muztar=imaptient/anxious heart]

abas naadaaniyo.n par aap apanii naaz karate hai.n
abhii dekhii kahaa.N hai.n aapane naadaaniyaa.N merii

ye ma.nzil ye hasii.n ma.nzil javaanii naam hai jisakaa
yahaa.N se aur aage ba.Danaa ae umr-e-ravaa.N merii ..