Nazar Fareb-e-Kazaa Khaa Gayii ..!!

nazar fareb-e-kazaa khaa ga_ii to kyaa hogaa


nazar fareb-e-kazaa khaa ga_ii to kyaa hogaa
hayaat maut se Takaraa ga_ii to kyaa hogaa


[fareb-e-kazaa=illusion of death]


na_ii sahar ke bahut log mu.ntazir hai.n magar
na-ii sahar bhii kajalaa ga_ii to kyaa hogaa


na rahanumaao.n kii majalis me.n le chalo mujhako
mai.n be-adab huu.N ha.Nsii aa ga_ii to kyaa hogaa


Gam-e-hayaat se beshaq hai Khudakushii aasaa.N
magar jo maut bhii sharmaa ga_ii to kyaa hogaa


shabaab-e-laalaa-o-gul ko pukaaranevaalo.n
Khizaa.N-sirisht bahaar aa ga+ii to kya hogaa


[shabaab-e-laalaa-o-gul=beauty of flowers]
[Khizaa.N-e-sirisht=in the form of fall/winter]


ye fikr kar ki is aasuudagii ke dhoke me.n
terii Khudii ko bhii maut aa ga_ii to kyaa hogaa


[aasuudagii=contentment

Khushii chinii hai to Gam kaa bhii aitamaad na kar
jo ruuh Gam se bhii ukataa ga_ii to kyaa hogaa


[aitamaad=trust]

Siraf Ashk-o-Tabassum Mein ..!!

sirf ashk-o-tabassum me.n ulajhe rahe


sirf ashk-o-tabassum me.n ulajhe rahe
hamane dekhaa nahii.n zindagii kii taraf


raat Dhalate jab unakaa Khayaal aa gayaa
Tik-Tikii ba.Ndh ga_ii chaa.Ndanii kii taraf


kaun saa jurm hai,kyaa sitam ho gayaa
aa.Nkh agar uTh ga_ii, aap hii kii taraf


jaane vo multafit ho.n kidhar bazm me.n
aa.Nsuuo.n kii taraf yaa ha.Nsii kii taraf

Yun Na Mil Mujh Se Khafa Ho Jaise ..!!

yuu.N na mil mujh se Khafaa ho jaise..!!


yuu.N na mil mujh se Khafaa ho jaise
saath chal mauj-e-sabaa ho jaise


log yuu.N dekh kar ha.Ns dete hai.n
tuu mujhe bhuul gayaa ho jaise


ishq ko shirk kii had tak na ba.Daa
yuu.N na mil hamase Khudaa ho jaise


maut bhii aa_ii to is naaz ke saath
mujhape ehasaan kiyaa ho jaise


aise a.njaan bane baiThe ho
tum ko kuchh bhii na pataa ho jaise


hichakiyaa.N raat ko aatii hii rahii.n
tuu ne phir yaad kiyaa ho jaise


zindagii biit rahii hai "daanish"
ek bejurm sazaa ho jaise ..

Kabhii mujh ko Saath Le kar..!!

kabhii mujh ko saath lekar, kabhii mere saath chal kar..!!



kabhii mujh ko saath lekar, kabhii mere saath chal kar
vo badal gaye achaanak merii zindagii badal kar

huye jis pe meharabaa.N tum ko_ii Khush_nasiib hogaa
merii hasarate.n to nikalii.n mere aa.Nsuuo.n me.n Dhal ke

terii zulf-o-ruKh ke qurbaa.N dil-e-zaar Dhuu.NDhataa hai
vahii champa_ii ujaale vahii surama_ii dhu.ndalake

ko_ii phuul ban gayaa hai ko_ii chaa.Nd ko_ii taaraa
jo chiraaG bujh gaye hai.n terii a.njuman me.n jal ke

mere dosto Khudaaraa mere saath tum bhii Dhuu.NDo
vo yahii.n kahii.n chhupe hai.n mere Gam kaa ruKh badal ke

terii bejhijhak ha.Nsii se na kisii kaa dil ho mailaa
ye nagar hai aa_iino.n kaa yahaa.N saa.Ns le sambhal ke