Ab chalakte hue saagar nahiin dekhe jatey

ab chhalakte hue saaGar nahii.n dekhe jaate


ab chhalakte hue saaGar nahii.n dekhe jaate
taubaa ke baad ye manzar nahii.n dekhe jaate

[saaGar=wine cup; ma.nzar=scene]

mast kar ke mujhe auro.n ko lagaa muu.Nh saaqii
ye karam hosh me.n rah kar nahii.n dekhe jaate

saath har ek ko is raah me.n chalanaa hogaa
ishq me.n rah_zan-o-rah_bar nahii.n dekhe jaate

[rah_zan=highway robbers; rah_bar=guide]

ham ne dekhaa hai zamaane kaa badalanaa lekin
un ke badale hue tevar nahii.n dekhe jaate

..........

kaaTii hai Gam kii raat ba.De ehataraam se


kaaTii hai Gam kii raat ba.De ehataraam se
aksar bujhaa liyaa hai charaaGo.n ko shaam se

raushan hai apanii bazm aur is ehatamaam se
kuchh dil bhii jal rahe hai.n charaaGo.n ke naam se

muddat hu_ii hai Khuun-e-tamannaa kiye magar
ab tak Tapak rahaa hai lahuu dil ke jaam se

subah-e-bahaar ham ko bulaatii rahii magar
ham khelate rahe kisii zulfo.n kii shaam se

har saa.Ns par hai maut kaa peharaa lagaa huaa
aahistaa ai hayaat guzar is maqaam se

kaaTii tamaam umr fareb-e-bahaar me.n
kaa.NTe sameTate rahe phuulo.n ke naam se

ye aur baat hai ke "Ali" ham na sun sake
aavaz us ne dii hai hame.n har maqaam se.
.

..............

Khushii ne mujh ko Thukaraayaa hai ranj-o-Gam ne paalaa hai


Khushii ne mujh ko Thukaraayaa hai ranj-o-Gam ne paalaa hai
gulo.n ne beruKhii kii hai to kaa.NTo.n ne sambhaalaa hai

muhabbat me.n Khayaal-e-saahil-o-manzil hai naadaanii
jo in raaho.n me.n luT jaaye vahii taqadiir vaalaa hai

charaaGaa.N kar ke dil bahalaa rahe ho kyaa jahaa.N vaalo
andheraa laakh raushan ho ujaalaa phir ujaalaa hai

kinaaro.n se mujhe ai naaKhudaa duur hii rakhanaa
vahaa.N lekar chalo tuufaa.N jahaa.N se uThane vaalaa hai

nasheman hii ke luT jaane kaa Gam hotaa to kyaa Gam thaa
yahaa.N to bechane vaalo.n ne gulashan bech Daalaa hai.

..........